ابحث عني: لما يكون للكحك طعم تاني

السبت، أكتوبر 20، 2007

لما يكون للكحك طعم تاني

الاول كل سنه وانتوا طيبين وعساكم من العايدين و الفايزين
علي راي الجماعه السعودين
:)
مع العيد للغربه طعم تاني صعب كتير و غريب دايما بندور علي اي حاجه تفكرنا ببهجة العيد في مصر
في مصر لما كان حد يقدمك كحك العيد كنت تبص كده وبطنك تقلب نظام هوا مش كفايه بقي
هنا الكحك ليه طعم تاني خالص بجد نادر قوي المصرين الي عندهم كحك مصري مش مضرب سعودي
وبتبقي ايه احلي هديه لو حد جاي قبل العيد و جاب معاه شويه كحك محدش بيصدق نفسه بقي
للاسف الحاجات الجميله في بلدنا مش بنشوفها غير لما بنبعد عنها ساعاتها بنعرف ان بلدنا مش كلها غم لا فيها شويه حاجات حلوه برضه بس احنا مش بنشوفها غير لما نبعد عنها زي الكحك كده

يالا اتمنالكوا كحك سعيد و جميل

تحياتي

10 Comments:

أولا كل سنة و انت طيب ولو انها متأخرة قوي

ده غير التأقصير اللي أنا فيه أساسا من زمان

بس و الله المدونة هنا عندك ليها وحشة
:)

إحنا جالنا هنا كحك العيد من صديقة سودانية.. بس ما يفرقش عن كحكنا نهائي

شكلها متعلماه من واحده مصرية

كمان اتعرفت على أسرة مصرية هنا قريب و لما عزمونا على الفطار في آخر أيام رمضان كان باباهم جايب معاه من مصر

وماقولكش على الفرحة اللي كنت فيها

عندك حق.. بلدنا مليان روحانيات يمكن و إحنا مدفيين بيها ماكناش واخدين بالنا منها

لكن برّة.. كل ما فيها عزيز

تحياتي ليك يا عبد الله
:)

By Hannoda, at 5:40 م
ازيك يا كحكاوي يا جميل

واحشني قوي

تحياتي من ماناساس البلد

By The Groom, at 7:55 م
فينك بس يا عبد اله.. من ساعة ما سافرت و انت ناسي المدونة بتاعتك خالص

نفسي أشوف الجديد عندك
:)
تحياتي

By Hannoda, at 11:17 ص
اعرف حقيقته
http://who-is-wael-abbas.blogspot.com/

By غير معرف, at 5:43 ص
أزال المؤلف هذا التعليق.

By cinderella, at 1:06 ص
فعلا معاك حق
ماحدش بيعرف قيمة بلده
غير لما بيبعد عنها
اعادك الله لها سالماً
وكل عام وانت بألف خير

By cinderella, at 1:06 ص
عبد الله اخبارك ايه و حياتك عامله ايه
معلش بقالي فترة طويلة لا بكتب و لا بشوف الناس, معرفش ايه اللي حصل لي اتحسدت الظاهر, المهم طمني عليك و العيد الكبير جه و اللحمه بالهبل
لا تنساني بالدعاء

By صوت فيروز, at 1:39 م
السلاااام عليكممم

ايه الغيبة دى كلهااا؟

انا اسفة بقالى كتير اوى مازرتش المدونة بس شكلك انت كمان بقالك زمن ماكتبتش جديد

طمنا عليك وكل سنة وانت طيب
ويارب العام دا تتوفق لكل اللى بتتمناه ودايما ايامك كلها سعادة وخير

سلاااااااام

By ŞoŖśậŖấầ, at 8:24 م
كل سنه وأنت طيب

والسنه الجايه ابعت لك كحك العيد

هو أنت من ساعتها مكتبتش

مضرب عن التدوين بسبب الكحك

By MAKSOFA, at 11:36 ص
6K聊天室,080中部人聊天室,聊天室交友,成人聊天室,中部人聊天室,情色聊天室,AV女優,AV,A片,情人薇珍妮,愛情公寓,情色,情色貼圖,情色文學,色情小說,色情,寄情築園小遊戲,AIO交友愛情館,情色電影,一葉情貼圖片區,色情遊戲

 言情小說,情色論壇,色情網站,微風成人,成人電影,嘟嘟成人網,成人,成人貼圖,成人交友,成人圖片,18成人,成人小說,成人圖片區,微風成人區,成人網站,免費影片,色情影片,自拍,hilive,做愛,微風成人,微風論壇,AIO

情趣用品,情色,成人,A片,自拍

 情趣用品,色情,成人影片,色情影片,免費A片

 情趣用品,成人網站,A片下載,日本AV,做愛

 情趣用品,美女交友,A片,辣妹視訊,情色視訊

 情趣用品,色情聊天室,聊天室,AV,成人電影

By غير معرف, at 8:44 ص